Liguria Ancheu con Franco Bampi e il tg zeneize con le notizie della settimana

Tra le novità più attese di "Liguria Ancheu" in onda tutti i venerdì su Primocanale spicca  il tg in zeneize. A seguire la sintesi delle notizie più importanti della settimane confezionate da Fabio Canessa:

Amt verso o falimento, o Döia: “O Comun o no peu ciu crovî o beuggio”

“O Comun o no peu ciu impî o beuggio de l'Amt co-i dinæ de chi paga e tasce”. Poule do scindico de Zena, o Marco Döia, che disegnan 'n avegnî neigro pe l'azienda do traspòrto pubrico da çitæ, “a ciu caa d’Italia” segondo o primmo çitæn. “L'ente – o dixe – o l'é disponibile a parteçipâ a-a regatta regionale pe-o Tpl, ma se l'azienda a falisce saiâ imposcibile”. Coscì o sciòpero de quattr'oe de matesdì pasou, ch'o l'à registrou 'na parteçipaçion do 90%, o no l'à dæto nisciunn-a rispòsta poxitiva a scindicati e dipendenti, che pretendeivan 'n atro finançiamento da Tursci da azonze a-i 30 mioin previsti pe l'anno ch'o vegne. Pe avansâ che l'Amt a vagghe a-o fondo co-unna perdia d'8 mioin e mezo, bezoriâ ancon contegnî i costi: saiva a dî, pe-a direçion, desdî i contræti integrativi. Tutta a tenscion a s'é sfogâ in sciô Conseggio inta sala rossa, sospeizo pe-i sbraggi de protesta a manco çinque menuti da l'incomenso. “Sei boin solo a scapâ”, an criou i manifestanti domandando a gran voxe e dimiscioin do scindico.

Protesta di dipendenti Amiu, blocou o ciantê da Vorpæa: “Voemo de rispòste”
Contra l'ipòtexi de privatizaçion e a pötronaia di enti locali à incroxou e brasse anche i lavoratoî de l'Amiu. Un prescidio o l'é stæto alestio lunesdì davanti a-o ciantê da Vorpæa, in sciô Bezagno, donde i manifestanti an impedio a-i cammi de dite esterne d'intrâ e sciortî da-o scito. “No semmo dov'aniemo a finî e donde faian i incianti – mogogna i dipendenti – a Region a l'à ancon da dane de rispòste”. Ancheu s'é averto 'na töa de confronto con l'asesô a-o travaggio Vesco, ma o garbuggio o l'aresta da destrigâ.

Brutto tempo: atri goasti into Ponente e a Ciavai, impreize in zenoggio
Neuvi ascadi pe-o tempo catio. Matesdì l'ægoa fòrte a l'à picou in sciô Ponente e caxonou di alagamenti a Arbenga e Campogexa, pòsti za corpii da l'urtima aluvion. Tante gente son arestæ sensa luxe. Atri goasti pe-e impreize da provinsa, che son davei redute a-e canie. Anche mesciandose a Levante, a Ciavai, ceuve in sciô bagnou: l'é bastou 'na ramâ de 20 menuti perché l'ægoa a se spanteghesse torna pe-e stradde, co-e canæ ancon atapæ da-a bratta ch'a s'é amugiâ inte setemann-e pasæ.

Italia-Arbania: ninte palanche a-i aluvionæ, a Figc a se tegne l’incascio
A l'é ancon pöco ciæa a costion de l'incascio da partia Italia-Arbania, ch'o doveiva anâ a-i aluvionæ, ma o l’é stæto trategnuo da-a Figc. I proventi televixivi, pe de ciu, saian destinæ a-e strutue sportive danezæ. “A-o manco o goagno di bigetti ch'ou daggan pe agiutâ e famigge corpie – dixe l'asesô da Region Rosci, ch'o l'à scrito a-a Figc – tutti i zeneixi n'ean convinti. Pe-o momento no l'é coscì e questo o vorieiva dî stragiâ o gesto e rendilo 'na strumentalizaçion”. A Figc a l'à rispòsto che i dinæ son ancon da contâ e che dapeu se poriâ discorî tutti insemme comme deuviali.

O l’amassa un picion sensa voei, procesou e descaxonou dòppo quattr’anni
Incorpou d'avei amasou un picion e descaxonou dòppo quattr'anni. A l'é a stöia de 'n artexan zeneize   de 46 anni, finio sotto processo pe l'asascinio de 'na bestia sensa necescitæ, ch'o peu ese punio finn-a con 2 anni de prexon. I fæti son do 2010, quande l'òmmo o l'ea stæto incaregou de montâ de ræ davanti a-e nicette de 'n palaçio donde i öxelli s'aniavan. Dòppo avei controlou co-un bacco che drento no ghe ne fise ciu, o l'à misso a ræ, ma o no s'é acòrto che 'n picion o l'ea arestou imprexonou derê. In sciâ fin, o giudiçe o l'à stabilio che no gh'ea a voentæ d'amasâ a bestia e serou o caxo.

Ed ecco la traduzione in italiano delle principali notizie:

Amt verso il fallimento, Doria: “Il Comune non può più coprire il buco”
“Il Comune non può più riempire il buco di Amt coi soldi dei contribuenti”. Parole del sindaco di Genova, Marco Doria, che prefigurano un futuro nero per l’azienda del trasporto pubblico, “la più cara d’Italia” secondo il primo cittadino. “L’ente – dice – è disponibile a partecipare alla gara regionale per il Tpl, ma se l’azienda fallisce sarà impossibile”. Così lo sciopero di quattro ore di martedì scorso, che ha registrato una partecipazione del 90%, non ha dato alcuna risposta positiva a sindacati e dipendenti, che pretendevano un altro finanziamento da Tursi in aggiunta ai 30 milioni già previsti per l’anno prossimo. Per evitare che Amt affondi con una perdita di 8 milioni e mezzo, bisognerà ancora contenere i costi: vale a dire, per la direzione, disdire i contratti integrativi. Tutta la tensione si è sfogata sul Consiglio in sala rossa, sospeso per le urla di protesta a meno di cinque minuti dell’inizio. “Siete capaci solo a scappare”, hanno gridato i manifestanti chiedendo a gran voce le dimissioni del sindaco.

Protesta dei dipendenti Amiu, bloccato il cantiere della Volpara: “Vogliamo risposte”
Contro l’ipotesi di privatizzazione e l’inerzia degli enti locali hanno incrociato le braccia anche i lavoratori di Amiu. Un presidio è stato allestito lunedì davanti al cantiere della Volpara, in Valbisagno, dove i manifestanti hanno impedito ai camion delle ditte esterne di entrare e uscire dall’area. “Non sappiamo dove andremo a finire e dove faranno gli impianti – lamentano i dipendenti – la Regione deve ancora darci delle risposte”. Oggi si è aperto un tavolo di confronto con l’assessore al lavoro Vesco, ma il nodo resta da sciogliere.

Maltempo: altri danni nel Ponente e a Chiavari, imprese in ginocchio
Nuovi problemi a causa del maltempo. Martedì la pioggia è caduta intensa sul Ponente provocando allagamenti ad Albenga e Campochiesa, luoghi già colpiti dall’ultima alluvione. Molte persone sono rimaste senza elettricità. Altri danni per le imprese della provincia, che sono ridotte allo stremo. Anche spostandosi a Levante, a Chiavari, piove sul bagnato: è bastato uno scroscio di 20 minuti perché l’acqua invadesse nuovamente le strade, coi canali di scolo ancora ostruiti dai detriti accumulatisi nelle scorse settimane.

Italia-Albania: niente soldi agli alluvionati, la Figc si tiene l’incasso
È ancora poco chiara la questione dell’incasso della partita Italia-Arbania, che avrebbe dovuto andare agli alluvionati ed è stato invece trattenuto dalla Figc. I proventi televisivi, peraltro, saranno destinati alle strutture sportive danneggiate. “Almeno il ricavo dei biglietti venga dato in aiuto alle famiglie colpite – dice l’assessore regionale Rossi, che ha scritto alla Figc – tutti i genovesi ne erano convinti. Al momento non è così e questo vorrebbe dire vanificare il gesto e renderlo una strumentalizzazione”. La Figc ha risposto che il denaro è ancora in via di conteggio e che in seguito si potrà discutere tutti insieme che uso farne.

Uccide un piccione senza volere, processato e assolto dopo quattro anni
Incolpato d’avere ammazzato un piccione e scagionato dopo quattro anni. È la storia di un artigiano genovese di 46 anni, finito sotto processo per l’uccisione di un animale senza necessità, che può essere punita perfino con 2 anni di reclusione. I fatti risalgono al 2010, quando l’uomo era stato incaricato di montare delle reticelle davanti alle rientranze di un palazzo dove i volatili nidificavano. Dopo aver controllato con un bastone che non ce ne fossero più, ha installato la rete, ma non si è accorto che un piccione era rimasto imprigionato all’interno. Alla fine, il giudice ha stabilito che non c’era la volontà di uccidere l’animale e archiviato il caso.