Le notizie più importanti della settimana nel tg in genovese

Le notizie più importanti della settimana sono state raccontate come sempre in dialetto nell'edizione del tg zeneize all'interno di Liguria Ancheu. Ecco una sintesi della scaletta firmata da Fabio Canessa.


DINÆ DA-I PETROLÊ A L’ASOCIAÇION DO BURLANDO 
Investigaçion da Procua de Zena in scî finançiamenti che o gruppo petrolifero Europam o l’à versou a l’asociaçion “Maestrale” do Cloudio Burlando. Dinæ che se mesciavan in ocaxon da campagna eletorale, ma anche dòppo e eleçioin. L’impòrto incasciou o sta in scî 100 mia eiro. O prescidente da Region, a-o momento, o no l’é indagou. Za inta stæ pasâ a magistratua a l’aiva comandou de pigiâ tutti i papê in scî conti de l’asociaçion tra o 2009 e o 2014. O giornalista zeneize Ferruccio Sansa, intervistou da Primocanale, o l’à parlou de ‘n “conflitto d’interesci enorme, ‘na ræ de poei ascoza donde tutti stan da-a mæxima parte. E a-o de la da ceiga penale – comenta o Sansa – a costion di finançiamenti a-i partii a l’anieiva reiza ciæa ‘na vòtta pe tutte”.

MEDIASET A VEU ACATÂ RAI WAY, O M5S A L’ATACCO
Ei Towers, ‘na controlâ do gruppo Mediaset, a veu acatâ Rai Way, a societæ pubrica ch’a gestisce a ræ de difuxon do segnale Rai. O Berlusconi o ponta a mette e moen in sce doî tersci de l’azienda, coscì da inandiâ, de fæto, ‘n unico operatô de tore de trasmiscion a livello naçionale. Ma o Governo o frenn-a: “A-o manco o 51% de quöte o l’à d’arestâ pubrico, consciderou ascì l’importansa strategica de l’azienda e l’impegno za pigiou pe valorizala”. O manezzo, dæte e premisse, l’é bon ch’a vagghe a muggio, ma intanto a l’à za dæto ben ben da dî. O Movimento 5 Stelle o parla de “patto do Nazareno televixivo” e monopòlio. Pe l’Usigrai a concentraçion a saiva bonn-a a mette a reizego a libertæ d’informaçion. Alarmâ anche a Cgil. Da ciu parte se temme ‘na vendia do servixo pubrico e s’avoxa ‘na lezze ciæa in scî conflitti d’interesse.

2 MIOIN IN SVISSERA, INDAGOU O GINO PAOLI PE EVAXON
O Gino Paoli o l’é inte sbigge. O cantoutô o l’é indagou da-a Procua de Zena pe evaxon fiscale. Segondo i investigatoî, o Paoli o l’à stramuou in Svissera 2 mioin d’eiro sensa pagaghe e tasce. A mettilo a sequæo ghe saiva ‘n intercetaçion ambientale into studio do comerçialista Andrea Vallebuona, o mæximo ch’o l’ascisteiva o pasou prescidente da Carige Berneschi e che pe-o momento o no l’é indagou. O Gino Paoli, riçevuo a notifica, o l’à lasciou a prescidensa da Siae, ma o s’é difeizo con parlâ de “strumentalizaçion ingiusta”. A Goardia de Finansa a l’é a-o travaggio pe çercâ a banca ch’a l’à in depòxito i dinæ.

ERXELLI, O COMANDUCCI O DELEGA A REGATTA A-A REGION
Fòscia un passo avanti pe-o stramuo da Facortæ d’Inzegnaia a-i Erxelli. O retô Comanducci, pe vegnî a-a fin de longanie burocratiche e finançiaie, o l’à propòsto de gjâ a-a Region i 75 mioin missi a dispoxiçion da-o Miur, pe faghe gestî a regatta e o progetto. D’acòrdio con l’ipòtexi a societæ Ght, ch’a l’à construto o centro tecnologico, oua s’aspeta solo o pai ofiçiâ do Ministeio e da Region.

ÆGOA E VENTO ASCIDIAN ZENA, ATRA NEIE IN SCÎ MONTI
Trei xeui deviæ, doî scasæ e dexenn-e d’interventi pe erboi cheiti, carteloin e lamee in peuixo. A fòrte tramontann-a ch’a l’à spasou Zena matesdì pasou a no l’à mancou de caxonâ goasti e fastiddi. E rafeghe an tocou i 100 chilòmetri a l’oa. A Nervi ‘na parma a s’é abatua in sce ‘na machina parchezâ, nisciun ferio. In scî bricchi, sorviatutto a Levante, s’é visto torna a neie. O sabbo primma un deruo d’ægoa a Zena o l’à fæto sâtâ l’ateizo derby da Lanterna, ch’o l’é stæto zugou matesdì e o l’é finio 1-1.

BITEGHE STÒRICHE, A ROMMA A BATAGGIA DE PRIMOCANALE
A bataggia de Primocanale pe sarvâ e biteghe stòriche de l’entrotæra a l’é in sciâ töa do Renzi. L’asesô regionale a-o turiximo Berlangieri o gh’à scrito ‘na letia in sce l’argomento. In zeugo gh’é a vitta de quelli presciddi in sciô teritöio, de longo a reizego de serâ pe caxon de tasce, sensa di quæ di paixi intreghi arestieivan sensa provixoin. Un discorso che Primocanale o pòrta avanti da pe coscì, dedicando a ste biteghe l’avertua de “Viaggio in Liguria” ògni mâcordì in primma seiann-a.


SOLDI DAI PETROLIERI ALL’ASSOCIAZIONE DI BURLANDO
Inchiesta della procura di Genova sui finanziamenti che il gruppo petrolifero Europam ha versato all’associazione “Maestrale” di Claudio Burlando. Soldi che si muovevano in occasione della campagna elettorale, ma anche dopo le elezioni. L’importo incassato si aggira sui 100 mila euro. Il presidente della Regione, al momento, non è indagato. Già l’estate scorsa la magistratura aveva ordinato di acquisire tutte le carte sui conti dell’associazione tra il 2009 e il 2014. Il giornalista genovese Ferruccio Sansa, intervistato da Primocanale, ha parlato di un “conflitto d’interessi enorme, una rete di potere opaca dove tutti stanno dalla stessa parte. E al di là dei risvolti penali – commenta Sansa – la questione dei finanziamenti ai partiti andrebbe chiarita una volta per tutte”.

MEDIASET VUOLE COMPRARE RAI WAY, M5S ALL’ATTACCO
Ei Towers, una controllata del gruppo Mediaset, vuole comprare Rai Way, la società pubblica che gestisce la rete di diffusione del segnale Rai. Berlusconi punta a mettere la mani su due terzi dell’azienda, in modo da costituire, di fatto, un unico operatore delle torri di trasmissione a livello nazionali. Ma il Governo frena: “Almeno il 51% delle quote deve rimanere pubblico, considerata anche l’importanza strategica dell’azienda e l’impegno già preso per valorizzarla”. La manovra, date le premesse, è probabilmente destinata a fallire, ma intanto ha già suscitato molte discussioni. Il Movimento 5 Stelle parla di “patto del Nazareno televisivo” e monopolio. Per l’Usigrai la concentrazione sarebbe tale da mettere a rischio la libertà d’informazione. Allarmata anche la Cgil. Da più parti si teme una vendita del servizio pubblico e s’invoca una legge chiara sui conflitti d’interesse.

2 MILIONI IN SVIZZERA, INDAGATO GINO PAOLI PER EVASIONE
Gino Paoli è nei guai. Il cantautore è indagato dalla Procura di Genova per evasione fiscale. Secondo gli inquirenti, Paoli ha trasferito in Svizzera 2 milioni di euro senza versare le tasse. A inchiodarlo ci sarebbe un intercettazione ambientale nello studio del commercialista Andrea Vallebuona, lo stesso che assisteva l’ex presidente di Carige Berneschi e che per ora non risulta indagato. Gino Paoli, ricevuta la notifica, ha lasciato la presidenza della Siae, ma si è difeso parlando di “strumentalizzazione ingiusta”. La Guardia di Finanza è al lavoro per cercare la banca che ha i soldi in deposito.

ERZELLI, COMANDUCCI DELEGA LA GARA ALLA REGIONE
Forse un passo avanti per il trasferimento della Facoltà d’Ingegneria agli Erzelli. Il rettore Comanducci, per mettere fine alle lungaggini burocratiche e finanziarie, ha proposto di girare alla Regione i 75 milioni messi a disposizione dal Miur, per farle gestire la gara e il progetto. D’accordo con l’ipotesi la società Ght, che ha realizzato il centro tecnologico, ora si attende solo il parere ufficiale del Ministero e della Regione.

ACQUA E VENTO ASSILLANO GENOVA, ALTRA NEVE SUI MONTI
Tre voli dirottati, due soppressi e decine d’interventi per alberi caduti, cartelloni e lamiere pericolanti. La forte tramontana che ha spazzato Genova martedì scorso non ha mancato di causare danni e disagi. Le raffiche hanno raggiunto i 100 chilometri orari. A Nervi una palma s’è abbattuta su una macchina parcheggiata, nessun ferito. Sulle alture, soprattutto a Levante, è comparsa di nuovo la neve. Il sabato precedente un diluvio a Genova ha fatto saltare l’atteso derby della Lanterna, che è stato giocato martedì ed è finito 1-1.

BOTTEGHE STORICHE, A ROMA LA BATTAGLIA DI PRIMOCANALE
La battaglia di Primocanale per salvare le botteghe storiche dell’entroterra è sul tavolo di Renzi. L’assessore regionale al turismo Berlangieri gli ha scritto una lettera sull’argomento. In gioco c’è la vita di qui presidi territoriali, sempre a rischio chiusura per colpa delle tasse, senza cui interi paesi rimarrebbero privi di rifornimenti. Un discorso che Primocanale porta avanti da tempo, dedicando a questi negozi l’apertura di “Viaggio in Liguria” ogni mercoledì in prima serata.