Liguria: Boggiasco e Rîmazzô tra-i 20 paixi ciù belli do mondo

Che a Liguria, in ponto bellesse, a no fïse segonda à nisciun se saiva. Ma a conferma, pe-i eterni scettichi, a l'arriva da-a rivista ingreise Metro, ch'a l'à tiou zu a clascifica di vinti paixi ciù belli do mondo.

E coscì, insemme a-i verdi proei da Neuva Zelanda, co-e casette fantastiche do Hobbit, tramezo a-e baite de grandiose montagne de l'Austria, d'arente a-o spettacolo di paisetti inti fiordi norvegeixi, sponta i nommi de Boggiasco e Rîmazzô. Ei capio ben: doe perle da Rivea insemme a-i pòsti ciù mäveggioxi da tæra.

“Cæ de tutti i coî in çimma a-i scheuggi ch'ammian o mâ ciù bleu che ghe segge”, gh'é scrito à propòxito de Rîmazzô. E in sce Boggiasco? “L'ægua cada do verde Mâ Ligure a bagna dôçemente l'æña neigra de l'antigo borgo di pescoei, pöco lontan da Zena. Un paradiso”. Pàn squæxi di versci de poexia. Sorpreisa?

Chì a pagina do scito co-e föto (donde emmo piggiou quella chì de d'ato) 



VERSIONE ITALIANA

Che la Liguria, in quanto a bellezze, non fosse seconda a nessuno si sapeva. Ma la conferma, per gli eterni scettici, arriva dalla rivista inglese Metro, che ha stilato la classifica dei venti paesi più belli del mondo.

E così, insieme ai verdi prati della Nuova Zelanda, con le casette fantastiche dello hobbit, in mezzo alle baite delle grandiose montagne dell'Austria, accanto allo spettacolo dei paesini nei fiordi norvegesi, spuntano i nomi di Bogliasco e Riomaggiore. Avete capito bene: due perle della Riviera insieme ai posti più meravigliosi della terra.

“Case variopinte in cima agli scogli che guardano il mare più blu che esista”, c'è scritto a proposito di Riomaggiore. E su Bogliasco? “L'acqua calda del verde Mar Ligure bagna dolcemente la sabbia nera dell'antico borgo dei pescatori, poco lontano da Genova. Un paradiso”. Sembrano quasi versi di poesia. Sorpresa?