Stasera alle 21 Liguria Ancheu da Torriglia con il tg zeneize

Liguria Ancheu, la trasmissione legata ai dialetti della regione, questa settimana andrà in onda eccezionalmente di sabato. Appuntamento quindi stasera alle 21 su Primocanale con un viaggio attraverso le botteghe di Torriglia alla vigila del Natale. Assieme al professor Franco Bampi, anche il cucinosofo Sergio Rossi. Non mancheranno sorprese e l'ormai tradizionale tg in genovese con i fatti più importanti della settimana a cura di Fabio Canessa. Ecco una sintesi:

GRONDA, SCINISTRA SCCIAPÂ IN SCIÔ PERCORSO
Neuvo inpotto pe-a Gronda de Ponente. A propòsta da zonta relativa a-o seu percorso a l'é stæta stuciâ in comiscion pròpio da Lista Doria e Sel e dapeu a l'é stæta aprovâ graçie a-i voti de l'opoxiçion. Oua, co-o pasaggio in Conseggio a-i 14 de zenâ, s'aviâ da stabilî 'na vòtta pe tutte che camin faghe pigiâ e chi di propietai de sciti e caze doviâ stramuâ e scheuve l'indenizzo. "Gh'é stæto 'na forsatua, l'é mancou o tempo de discorî  in sce çerte costioin che so-arestæ sensa rispòsta", repicca o Pignon da Lista Doria. "Atri rinvii saivan stæti negativi", comentan da-o Pd. E a Lilli Lauro de Forza Italia a bachezza: "O zeugo da scinistra o l'é trachezâ ciu che se peu pe no fâ pasâ a delibera in Conseggio. No l'é o Pd ch'emmo sarvou, ma a çitæ, che sensa de niatri a l'ea blocâ.

NINTE PRÒROGA PE-I ALUVIONÆ, SE PAGA A-I 22 DE DEXEMBRE
Atra gazibba pe-i aluvionæ. Dòppo a sospenscion prevista finn-a i 20 de dexembre, a tutti i zeneixi, anche quelli danezæ da-i urtimi eventi, tochiâ mettise a cian co-o fisco primma di 22 do meize. L'ordine di comerçialisti o l'aiva prezentou a-o Governo 'na domanda pe prorogâ o pagamento de tasce, ma o Ministeio de l'Economia o l'à compreizo i comun liguri ascì into provedimento ch'o fissa o descazze di termini. Tra-e propòste refuæ da Romma gh'ea l'adoçion de 'na nòrma che sospendesse in outomatico i versamenti in sce tutto o teritöio in caxo d'avegnimenti catastròfichi.

MARC E NATALIDEA A ZENA, TUTTO PIN A-A FEA DO MÂ
'Na remenâ de gente a-a Fea de Zena pe-i apontamenti de feste. Pe-o Marc, a rasegna dedicâ a-a tecnologia, i vixitatoî favan a coa pe intrâ za 'n'oa primma de l'avertua. Sabbo e domenega pasæ parchezzi tutti pin, sciben che st'anno chì gh'é ciu disponibilitæ. Gremenio anche o padigion B con Natalidea ch'a l'à portou a Zena e tradiçioin nataliçie do mondo e a l'à propòsto doe setemann-e de spetacoli e zeughi pe tutta a famiggia. I produti artexen son de longo protagonisti inti mercoei de tutta a region, pe menuo Bordighea e Leua a Ponente; Ronco, Toriggia e San Stea inte l'entrotæra e Rapallo a Levante. A Zena, insemme a-i banchetti de Brignole, aregordemmo quelli de San Nicòlla in Picapria e o mercatin solidale davanti a Paxo.

O FERRERO INIBIO DA-A FIGC, O PREZIOSI: "N'Ò PARLOU DE MAFIA CAPITALE"
Ascì ch'o l'é 'n bon momento pe-e doe squaddre de balon de Zena, a brasetto a-i cen ciu erti da clascifica, i seu prescidenti fan de longo sciato. Quello da Sandöia, o Michele Ferrero, o l'é stæto inibio pe 3 meixi da-o tribunale federale da Figc pe-a sciortia ch'o s'aiva lasciou scapâ in televixon contra o prescidente indonexan de l'Inter. Pe lê l'é arivou 'na boletta da 10mia eiro, 35mia pe-a societæ. "Ringraçio i giudiçi pe l'erô, l'amô pe-o balon o l'aresta", l'à comentou o Ferrero. Into bolezumme o Preziosi ascì, acaxonou d'avei tiou a mezo a mafia into criticâ i eroî de l'arbitro dòppo Zena-Romma. "Nisciunn-a tiâ a Mafia Capitale, ò solo dito che a Romma capita mai tante cöse che maniman no voriæ che ghe fise anche o balon - s'é difeizo o bacan di rossobleu - A-o manco m'aspeto e scuze no giornalista ch'o m'à çitou. L'arbitro Banti? L'ò dito e ou confermo, o ne pòrta neigro. S'o no l'arbitra ciu a-e nòstre partie l'é megio".

TONDO ARÖBOU DA 2.500 EIRO, ATROVOU PE CAXO DA-I CARABINÊ
Un tondo da limöxina do Çinque-Seiçento o l'é stæto atrovou da-i Carabinê inti giardin d'arente a-a staçion de Pòrto Mouriçio, a Impeia. Un tòcco ch'o vâ pöcasæ 2.500 eiro e o l'apartegne a 'n òmmo d'Arasce che ghe l'aivan aröbou do 2012, ma l'é façile che i laddri no se n'acapissan. O l'é stæto descoverto pe 'n caxo drento a 'na scatoa de carton inte 'n gio de batuggia.

Ed ecco la traduzione in italiano:

GRONDA, SINISTRA SPACCATA SUL TRACCIATO
Nuovo intoppo per la Gronda di Ponente. La proposta della giunta relativa al suo tracciato è stata bocciata in commissione proprio da Lista Doria e Sel ed è poi stata approvata grazie ai voti dell'oppoisizione. Ora, col passaggio in aula il 14 gennaio, si dovranno stabilire il percorso definitivo e chi dei proprietari di terreni e immobili dovrà traslocare e ricevere l'indennizzo. "C'è stata una forzatura, è mancato il tempo di discutere alcune questioni che sono rimaste senza risposta", replica Pignone della Lista Doria. "Altri rinvii sarebbero stati negativi", commentano dal Pd. E Lilli Lauro di Forza Italia bacchetta: "Il gioco della sinistra è prendere più tempo possibile per non far passare la delibera in Consiglia. Non è il Pd che abbiamo salvato, ma la città, che senza di noi era bloccata".

NIENTE PROROGA PER GLI ALLUVIONATI, SI PAGA IL 22 DICEMBRE
Altra beffa per gli alluvionati. Dopo la sospensione prevista fino al 20 dicembre, tutti i genovesi, anche chi ha subito danni dagli ultimi eventi, dovranno mettersi in regola col fisco prima del 22 del mese. L'ordine dei commercialisti aveva presentato al Governo una richiesta per prorogare il pagamento delle tasse, ma il Ministero dell'Economia ha incluso anche i comuni liguri nel provvedimento che fissa la scadenza dei termini. Tra le proposte respinte da Roma c'era l'adozione di una norma che sospendesse in automatico i versamenti su tutto il territorio in caso di avvenimenti catastrofici.

MARC E NATALIDEA A GENOVA, PIENONE ALLA FIERA DEL MARE
Grande affluenza alla Fiera di Genova per gli appuntamenti delle festività. Per il Marc, la rassegna dedicata a l'hi-tech, visitatori in coda per entrare già un'ora prima dell'apertura. Lo scorso weekend parcheggi esauriti, nonostante quest'anno ci sia maggiore disponibilità. Gremito anche il padiglione B con Natalidea che ha portato a Genova le tradizioni natalizie del mondo e ha proposto due settimane di spettacoli e giochi per tutta la famiglia. I prodotti artigiani sono sempre protagonisti nei mercati di tutta la regione, in particolare Bordighera e Loano a Ponente; RoncoScrivia, Torriglia e Santo Stefano d'Aveto nell'entroterra e Rapallo a Levante. A Genova, insieme alle bancarelle di Brignole, ricordiamo quelle di San Nicola in Piccapietra e il mercatino solidale davanti a Palazzo Ducale.

FERRERO INIBITO DALLA FIGC, PREZIOSI: "NON HO PARLATO DI MAFIA CAPITALE"
Anche se è un buon momento per i due club genovesi, a braccetto ai piani più alti della classifica, i loro presidenti si fanno sempre notare. Quello della Samp, Michele Ferrero, è stato inibito per 3 mesi dal tribunale federale della Figc per la battuta che si era lasciato scappare in televisione contro il presidente indonesiano dell'Inter. Per lui è arrivata una multa da 10mila euro, 35mila per la società. "Ringrazio i giudici per l'errore, l'amore per il calcio resta", ha commentato Ferrero. Nel caos anche Preziosi, accusato di aver evocato la mafia nel criticare gli errori arbitrali dopo Genoa-Roma. "Nessuna Mafia Capitale, ho solo detto che a Romma succedono così tante cose che non vorrei che per caso ci fosse anche il calcio - si è difeso il patron rossoblù - Almeno mi aspetto le scuse del giornalista che mi ha virgolettato. L'arbitro Banti? L'ho detto e lo confermo, ci porta sfortuna. Se non arbitra più alle nostre partite è meglio"

PIATTO RUBATO DA 2.500 EURO, TROVATO PER CASO DAI CARABINIERI
Un piatto da elemosiniere del Cinque-Seicento è stato trovato dai Carabinieri nei giardini accanto alla stazione di Porto Maurizio, a Imperia. Un pezzo dal valore di circa 2.500 euro e che appartiene a un uomo di Alassio al quale era stato rubato nel 2012, ma probabilmente i ladri non se ne intendevano. E' stato scoperto per caso in una scatola di cartone durante un normale servizion di pattuglia.