Stasera Liguria Ancheu alle 21 su Primocanale tra prima guerra mondiale e artigiani

Ultima puntata del mese di giugno, quella di Liguria Ancheu in programma stasera alle 21 su Primocanale. Il format dedicato ai dialetti regionali si concentrerà sulla prima guerra mondiale con contributi inediti e poi nella seconda parte spazio ad artigiani insoliti. Tutto con la presenza fissa del professor Franco Bampi, del pubblico da casa che potrà intervenire con il numero verde 800640771 e il tg della settimana in genovese a cura di Fabio Canessa. Qui una sintesi della scaletta con relativa traduzione.

UE, TROVOU L’ACÒRDIO PE 40 MIA MIGRANTI
Trovou into cheu da neutte de venardì l’acòrdio tra-i 28 membri de l’Union Ouropea pe spartî i migranti riçevui da Italia e Grecia. O Conseggio Ouropeo o l’à parlou de 40 mia personn-e da mesciâ inti pròscimi doî anni, ciu atri 20 mia da definî a luggio. Batua, coscì, a rescistensa di Paixi contrai, sorviatutto quelli de l’Ouröpa de Levante. Primma de l’inteiza, duo intervento do Renzi ch’o l’aviæ dito: “Se no sei d’acòrdio in sciâ solidarietæ pe 40 mia personn-e, no fæne perde tempo. Sta chì a l’é a vòstra idea d’Ouröpa? Che ve-a tegnî”. In sce l’argomento o prescidente ligure Toti o l’aiva atacou: “Da-o Renzi solo poule, i migranti fan di goasti a-o turiximo. 40 mia personn-e da spartise? ‘Na mincionaia”. Intanto l’é arivou a Zena i primmi 50 pròfughi do gruppo de 200 che saian riçevui in Liguria. Vegnan portæ a-a Fea do Mâ pe-i contròlli sanitai e dapeu destinæ a-e comunitæ. Nisciun saiâ mandou inta provinsa Impeia, za corpia da-a longa emergensa de Vintimiggia.

UPIM A FEUGO A ZENA, S’INDAGA IN SCÊ CAXOIN
Feugo a l’arba inti magazin da Upim, in fondo de via XX Setembre. I pompê an louou pe ‘n’oa e meza primma d’asmortâ e sciamme. Pe fortunn-a de drento no gh’ea nisciun, oua se travaggia pe capî e caxoin. Inta seia primma a pigiâ feugo l’ea stæto quattro machine parchezæ a Caregamento. E, parlando ancon da stradda, doî brutti açidenti in Liguria. A Zena scontro tra doe vetue a l’incroxo tra corso Torin e via Tolemaide; in sce l’A10 tra Vaze e Rensen ‘na machina a l’é xoâ zu da ‘n cavarcavia: pe ciaschedun di doî caxi un ferio grave.

L’ENAC CO-O ROSSI: “CHE O COMBO O VEGNE STRATEGICO”
Anche l’Enac (Ente Naçionale Airopòrti) o spoza a bataggia do senatô Maurizio Rossi de Liguria Civica perché o Combo de Zena o segge misso inta lista de quelli strategichi. “O scâ de Zena o l’é za into core network europeo – aiva notou o Rossi – o saiâ sempre ciu ligou a-i pòrti liguri e a-a ferovia. Pensemmo sorviatutto a-e croxee, che reciamman tutti i anni 3 mioin de turisti in Liguria e stimman ben ben a vexinansa de l’airopòrto. No daghe l’importansa ch’o se meita o l’é ‘n grave erô”. Da-o Pd a Forza Italia, tutti d’acòrdio in scê oservaçioin. Pe arestâ in ponto traspòrti e conescioin intermodali, pe-a fin de zugno saiâ averto o coniggio ch’o coleghiâ a staçion da metropolitann-a de Prinçipe con quella feroviaia. Longo 70 metri e costou 2 mioin, o permetiâ d’avansase de montâ e chinâ pe-e scæ comme l’é stæto fin oua.

FESTE DE SAN ZANE E SAN PÊ, DOMENEGA O PALIO
Setemann-a de festa a Zena. A veggia de San Zane a s’é açeiza co-o fou davanti a Paxo, a mezaneutte, co-a ciassa gremenia de gente. Inta seiann-a o Ghost Tour pe-i caroggi e o parco diantoutoî. Inta giornâ do 24, gran proçescion da San Loenso a-o Pòrto co-e çenie do Santo, e cazasse, i cristi e a benediçion do mâ. Se va avanti sabbo e domenega pe-a festa de San Pê. Tanti banchetti a-a Foxe e in corso Italia. Domenega a 3 oe, davanti a-i bagni de San Nazâ, o spetacolo do palio de San Pê, a tradiçionale regatta tra-i gossi di sette borghi mainæ da rivea zeneize, con apreuvo a coioza arampinâ da scimia in sciô castello pe conquistâ a vitöia.

GOLIARDI E UNIVERSCITÆ, A GOÆRA DI REZIPETI
Goæra de miande e di rezipeti a l’universcitæ de Zena. In ocaxon da Neutte da Luxe organizâ sabbo pasou da-i zoeni universcitai, i goliardi an pigiou in ostaggio o confòn de l’ateneo. Aloa o Duxe, coscì se ciamma o cappo da compagnia, o l’à spedio a-o retô a domanda de refæta in Bacco, Tabacco e Venere, comme l’é tradiçion, saiva a dî 6,9 litri de champagne, 69 pacchi de çigarette e i rezipeto outografæ da-e profesoe. ‘Na burla ch’a no l’é stæta pigiâ goæi ben: i goliardi son stæti acaxonæ de ladronisso agravou e a preteiza di rezipeto definia “sescista”. Ma o Duxe o l’à rispòsto: “Quello di rezipeti o l’ea un ciæto, niatri voemo anche e miande di profesoî”.



UE, TROVATO L’ACCORDO PER 40 MILA MIGRANTI
Trovato nel cuore della notte di venerdì l’accordo tra i 28 membri dell’Unione Europea per ridistribuire i migranti accolti da Italia e Grecia. Il Consiglio Europeo ha parlato di 40 mila persone da muovere nei prossimi due anni, più altri 20 mila da definire a luglio. Superata, così, la resistenza dei Paesi contrari, soprattutto quelli dell’Est Europa. Prima dell’intesa, duro intervento di Renzi che avrebbe detto: “Se non siete d’accordo sulla solidarietà per 40 mila persone, non fateci perdere tempo. Questa è la vostra idea d’Europa? Tenetevela”. Sull’argomento il presidente ligure Toti aveva attaccato: “Da Renzi solo parole, i migranti danneggiano il turismo. 40 mila persone da ridistribuire? Una presa in giro”. Intanto sono arrivati a Genova i primi 50 profughi del gruppo di 200 che saranno accolti in Liguria. Vengono portati alla Fiera del Mare per i controlli sanitari e poi destinati alle comunità. Nessuno sarà mandato nella provincia di Imperia, già colpita dalla lunga emergenza di Ventimiglia.

UPIM IN FIAMME A GENOVA, SI INDAGA SULLE CAUSE
Rogo all’alba nei magazzini della Upim, in fondo a via XX Settembre. I Vigili del fuoco hanno lavorato per un’ora e mezza prima di spegnere le fiamme. Per fortuna nessuno si trovava all’interno, adesso si lavora per capire le cause. Nella sera precedente a prendere fuoco erano state quattro automobili parcheggiate a Caricamento. E, parlando ancora di strada, due brutti incidenti in Liguria: a Genova scontro tra due vetture all’incrocio tra corso Torino e via Tolemaide; sull’A10 tra Varazze e Arenzano una macchina è volata giù da un viadotto: per ciascuno dei due casi un ferito grave.

L’ENAC CON ROSSI: “IL COLOMBO DIVENTI STRATEGICO”
Anche l’Enac (Ente Nazionale Aeroporti) sposa la battaglia del senatore Maurizio Rossi di Liguria Civica di perché il Colombo di Genova sia inserito della lista di quelli strategici. “Lo scalo di Genova è già nel core network europeo – aveva notato Rossi – sarà sempre più legato ai porti liguri e alla ferrovia. Pensiamo soprattutto alle crociere, che richiamano ogni anno 3 milioni di turisti in Liguria e valutano molto positivamente la vicinanza dell’aeroporto. Non dargli l’importanza che merita è un grave errore”. Dal Pd a Forza Italia, tutti d’accordo sulle osservazioni. Per restare in tema di trasporti e connessioni intermodali, per fine giugno sarà aperto il tunnel che collegherà la stazione della metrò di Principe con quella ferroviaria. Lungo 70 metri e costato 2 milioni, permetterà di risparmiarsi il sali-scendi dalle scale com’è stato finora.

FESTE DI SAN GIOVANNI E SAN PIETRO, DOMENICA IL PALIO
Settimana di festa a Genova. La vigilia di San Giovanni Battista si è accesa col falò davanti a Palazzo Ducale, a mezzanotte, con la piazza gremita di gente. In serata il Ghost Tour nei vicoli e il palco dei cantautori. Nella giornata del 24, gran processione da San Lorenzo al Porto con le ceneri del Santo, le confraternite, i crocifissi e la benedizione del mare. Si prosegue sabato e domenica per la festa di San Pietro. Tanti banchetti alla Foce e in corso Italia. Domenica alle 15, davanti ai bagni San Nazaro, lo spettacolo del palio di San Pietro, la tradizionale regata tra i gozzi dei setti borghi marinari della riviera genovese, seguita dalla curiosa arrampicata dei mozzi sul castello per conquistare la vittoria.

GOLIARDI E UNIVERSITA’, LA GUERRA DEI REGGISENI
Guerra delle mutande e dei reggiseni all’università di Genova. In occasione della Notte della Luce organizzata sabato scorso dai giovani universitari, i goliardi hanno preso in ostaggio il gonfalone dell’ateneo. Allora il Doge, così si chiama il capo della compagnia, ha spedito al rettore la richiesta di riscatto in Bacco, Tabacco e Venere, com’è tradizione, ossia 6,9 litri di champagne, 69 pacchi di sigarette e i reggiseni autografati dalle professoresse. Uno scherzo che non è stato preso molto bene: i goliardi sono stati accusati di furto aggravato e la pretesa dei reggiseni è stata definita “sessista”. Ma il Doge ha risposto: “Quella dei reggiseni era un’indiscrezione, noi vogliamo anche le mutande dei professori”.