Stasera alle 21 Liguria Ancheu con confraternite, musica e tradizioni

Torna puntuale come ogni venerdì sera Liguria Ancheu, la trasmissione di Primocanale che mette a confronto i dialetti della regione.

In compagnia del professor Franco Bampi, questa sera dalle 21, spazio alle confraternite, ma anche alla poesia e alla musica d'entroterra con i prossimi appuntamenti che coinvolgeranno Recco, Santa Zita e Genova Pegli. A metà serata immancabile l'appuntamento con il tg in genovese condotto da Fabio Canessa.

Per i telespettatori da casa possibilità di partecipare attraverso il numero verde 800640771.

Un'anticipazione della scaletta del tg con relativa traduzione:

ATRI 700 MIGRANTI MÒRTI IN MÂ, EMERGENSA IN LIGURIA
Neuvo maxello de migranti in mâ. Un barcon ch’o portava 700 personn-e o s’é inversou inta neutte tra sabbo e domenega pasæ a 60 migge sorvia a Libia. Un barco da pesca pòrtogheize o l’é stæto desviou pe-o socorso, ma comme i migranti an visto arivâ a nave se son amugiæ tutti in sce ‘n lou caciando zu a barca. I sorvevisciui saivan 28; identificæ e afermæ i scafisti. Condanne da-o mondo politico: pe 5 Stelle e drita a corpa a l’é do governo ch’o permette ste tragedie e o no l’intervêgne in scê còste africann-e pe fermâ i trafeganti. O Renzi o l’à domandou un cangio de passo da l’Union Ouropea: “No peuan ciu vortane e spalle – o l’à dito – sta chì a l’é na crixi umanitaia, bezeugna pigiâ i mercanti de scciavi”. “Tutta a comunitæ internaçionale a l’à d’agiutâ l’Italia”, coscì o segretaio generale de l’Onu Ban Ki-Moon. Intanto in Liguria ariviâ atri 200 inmigræ e i scindichi denonçian l’emergensa: “i comun grendi devan fase carego de tutto e quelli picin s’atreuvan con tante personn-e da riçeive che, a-a fin di programmi de sostegno, arestan sensa ca”. L’asesoa regionale Rambaudi a l’à anonçiou ‘n incontro co-o Governo da chì a no goæi in sce sti problemi.

A PROCUA: “A PAITA A L’AIVA DE RESPONSABILITÆ TECNICHE”
Pe-a Procua de Zena e responsabilitæ da Raffaella Paita in sce l’aluvion de Zena do 2014 no saivan solo politiche, ma anche tecniche e operative. Inte ‘na conferensa stampa dòppo l’interogatöio de matesdì pasou a l’aiva dito: “No s’é mai visto ‘n asesô indagou pe ‘n’alerta mancâ, no se deve confonde o cian politico e quello tecnico. Mi no gh’intro ninte, ma me fio do travaggio da magistratua”. I investigatoî, però, an minsonou inte l’avizo de garançia ‘na diretiva governativa do 2004 ch’a delega i prescidenti de Regioin comme mascimi esponenti de Proteçion Çivile, fonçioin consegnæ da-o Burlando a l’asesoa competente into luggio do 2014. Donque, segondo a Procua, a mæxima Paita a l’aviæ posciuo ativase in scê comunicaçioin de l’Arpal za da-o giorno primma de l’aluvion, sensa aspêtâ l’intervento di fonçionai.

TORMENTI A-I VEXIN DE CA, CONDANÆ MOÆ E FIGGIO DE RONCO
Quattro meixi de prexon e a refæta di danni. Unna sentensa stòrica do tribunale de Zena a l’à condanou ‘na dònna e o figgio de 40 anni, de Ronco Screia, pe stalking condominiale. I doî an fastidiou e menasou pe di anni i vexin de ca, ‘na cobia de zoeni, costreiti a recoviase inte ‘na cantinn-a pe scapâ a ‘na tortua ch’a se resegondava giorno pe giorno. Tutto l’ea comensou pe ‘n giardinetto conteizo, dapeu i despeti, o sciato de neutte, röba caciâ da-o barcon, finn-a e menasse a-o figeu picin: “Ve l’amasemmo”. I doî, sfinii da-o tormento, se son apelæ a-o giudiçe, ch’o gh’à dæto raxon. Pe l’ANACI, asociaçion di aministratoî de condominio, ste chì saivan scitoaçioin ben ben difuze, che vegnan feua, ciu che da costioin concrete, da-o dexideio de prevai in scî vexin. L’aministratô, inte sti caxi o no peu fâ goæi. “Giusta a condanna – dixan – 
fòscia a serviva ancon ciu dua, ch’a fise d’exempio pe tutti”.

ZUGOU DE BALON MÒRTO A 22 ANNI DÒPPO A PARTIA 
Un zugou de balon, o Paolo Ceccarelli, o l’é mòrto a 22 anni pe ‘n’emoragia a-o çervello. Domenega pasâ o s’ea sentio mâ dòppo a partia goâgna da-o seu Cogheuo con doe ræ marcæ pròpio da lê. Tornou a caza gh’à pigiou un patî e o l’é stæto portou de premua a-o San Martin. L’operaçion de 6 oe a no l’é servia a sarvaghe a vitta, da li a doî giorni o s’é asmortou davanti a-a famiggia e a-i compagni de squaddra. O l’é o segondo dramma inte pöche setemann-e pe-i sportivi zoeni liguri: i 2 d’arvî, a Rivoli, ‘na palavolista de Finâ a l’ea stæta mâ dòppo çenn-a. Ninte da fâ manco pe lê, ch’a l’aiva solo 11 anni.

A PRESTAVA DINÆ A UZUA, ARESTÂ DÒNNA DE 70 ANNI
A prestava di dinæ a bitegæ e personn-e inte sbigge e a pretendeiva de fase rende finn-a o doggio da somma. A praticâ l’uzua o no l’ea un boss da mafia, ma ‘na scignoa de 70 anni, descoverta da-i Carabinê e arestâ zeuggia. A dònna, zeneize de Nervi, ‘na vòtta a gestiva ‘n magazin pe mercanti da stradda. Pe fâ poia a-e cazann-e che no pagavan i poffi a tempo a contava d’ese “o tramite de ‘n’organizaçion criminale”.

ALTRI 700 MIGRANTI MORTI IN MARE, EMERGENZA IN LIGURIA
Nuova strage di migranti in mare. Un barcone che trasportava 700 persone si è capovolto nella notte tra sabato e domenica scorsi a 60 miglia a nord della Libia. Un peschereccio portoghese è stato dirottato per il soccorso, ma appena i migranti hanno visto arrivare la nave si sono riversati tutti su un lato facendo affondare la barca. I sopravvissuti sarebbero 28; identificati e fermati gli scafisti. Condanne dal mondo politico: per M5S e destra la colpa è del governo che permette queste tragedie e non interviene sulle coste africane per bloccare gli scafisti. Renzi ha chiesto un cambio di passo dall’Unione Europea: “Non possono più voltarci le spalle – ha detto – questa è una crisi umanitaria, bisogna catturare gli schiavisti”. “Tutta la comunità internazionale deve aiutare l’Italia”, così il segretario generale dell’Onu Ban Ki-Moon. Intanto in Liguria arriveranno altri 200 immigrati e i sindaci denunciano l’emergenza: “i comuni grandi devono farsi carico di tutto e quelli piccoli si trovano con tante persone da accogliere che, alla fine dei programmi di sostegno, rimangono senza casa”. L’assessore regionale Rambaudi ha annunciato un incontro col Governo a breve su queste problematiche.

LA PROCURA: “PAITA AVEVA RESPONSABILITÀ TECNICHE”
Per la Procura di Genova le responsabilità di Raffaella Patia sull’alluvione di Genova del 2014 non sarebbero solo politiche, ma anche tecniche e operative. In una conferenza stampa dopo l’interrogatorio di martedì scorso aveva detto: “Non si è mai visto un assessore indagato per la mancata, non si deve confondere il piano politico con quello tecnico. Io non c’entro niente, ma me fido del lavoro della magistratura”. Gli inquirento, però hanno citato nell’avviso di garanzia una direttiva governativa del 2004 che delega i presidenti delle Regioni come massimi esponenti della Protezione Civile, funzioni affidate da Burlando all’assessore competente nel luglio del 2014. Dunque, secondo la Procura, la massima Paita, sarebbe potuta attivarsi sulle comunicazioni dell’Arpal già dal giorno precedente l’alluvione, senza aspettare l’intervento dei funzionari.

PERSECUZIONI AI VICINI, CONDANNATI MADRE E FIGLIO DI RONCO
Quattro mesi de prigioni e il risarcimento dei danni. Una sentenza storica del tribunale di Genova ha condannato una donna e il figlio 40enne, di Ronco Scrivia, per stalking condominiale. I due hanno infastidito e minacciato per anni i vicini di casa, una giovane coppia, costretta a rifugiarsi in uno scantinato per sfuggire a una tortura diventata quotidiana. Tutto era iniziato per un giardinetto conteso, poi i dispetti, i rumori notturni, oggetti buttati dalla finestra, fino alle minacce al figlio piccolo: “Ve l’ammazziamo”. I due, sfiniti dalla persecuzione, se sono appellati al giudice, che ha dato loro ragione. Per l’ANACI, associazione di amministratori di condominio, si tratta di situazioni molto frequenti, che scaturiscono, più che da questioni concrete, dal desiderio di prevalere sui vicini. L’amministratore, in questi casi, non può fare molto. “Giusta la condanna – dicono – forse serviva ancora più dura, che fosse d’esempio per tutti”.

CALCIATORE MORTO DI ANEURISMA A 22 ANNI DOPO LA PARTITA
Un calciatore dilettante, Paolo Ceccarelli, è morto a 22 anni per un’emorragia al cervello. Domenica scorsa si era sentito male dopo la partita vinta dal suo Cogoleto con due goal segnati proprio da lui. Tornato a casa ha accusato un malore ed è stato portato d’urgenza al San Martino. L’operazione di 6 ore non è servita a salvargli la vitta, nel giro di due giorni si è spento davanti alla famiglia ed ai compagni di squadra. È il secondo dramma in poche settimane per lo sport giovanile ligure: il 2 aprile, a Rivoli, una pallavolista di Finale si è sentita male dopo cena. Niente da fare neppure per lei, che aveva solo 11 anni.

PRESTAVA SOLDI A USURA, ARRESTATA DONNA 70ENNE
Prestava soldi a commercianti e persone in difficoltà e pretendeva di farsi restituire fino al doppio della somma. A praticare l’usura non era un boss mafioso, ma una signora di 70 anni, scoperta dai Carabinieri e arrestata giovedì. La donna, genovese di Nervi, in passato gestiva un magazzino per ambulanti. Per intimidire i creditori che non saldavano i debiti a tempo, raccontava di essere il “tramite di un’organizzazione criminale”.