Tg zeneize: ecco le anticipazioni delle notizie più importanti

Dopo il fortunato battesimo di venerdì scorso all'interno della trasmissione Liguria Ancheu, tradizionale format del venerdì sera legato al dialetto, ecco le anticipazioni delle notizie più importanti di questa nuova settimana. Una selezione curata da Fabio Canessa, conduttore del telegiornale in genovese che va in onda su Primocanale ogni settimana. E anche qui l'apertura è dedicata al maltempo che sta mettendo in ginocchio la regione. Appuntamento con in video nuovamente venerdì prossimo alle 21.30 poiché questa sera la precedenza è dedicata alla cronaca con la diretta riguardante l'allerta 2. A seguire la traduzione in italiano.

Liguria inte ciöte do brutto tempo, aluvion in sce Tigulio e Fontann-a Bonn-a
Ægoa, frann-e, bratta, alagamenti e ‘na cobia d’ançien mòrta into scapâ d’in caza. No gh’é paxe pe-a Liguria, torna sciâtâ da-o brutto tempo da Levante a Ponente. O conto definitivo de tutti i goasti o l’é ancon da serâ e intanto gh’é ‘na neuva alerta meteo de livello 1 finn-a mezaneutte de sabbo. Inta seiann-a de lunesdì, con l’alerta 2 in sciâ ciu parte da region, a vive l’inferno l’é stæto o Tigulio e a Fontann-a Bonn-a. A Ciâvai l’é sciortîo feua l’Entella, o Roinâ e o Campodònego, con l’ægoa ch’a s’é spantegâ pe-e stradde, e biteghe e e caze. Carasco, Leivi e tutti i bricchi devastæ da-e frann-e. Pròpio a Leivi ‘na caza a l’é stæta investia da ‘n’onda de tæra e prie. E doe personn-e che ghe stavan, maio e mogê de 69 e 73 anni, en stæte atrovæ sensa vitta sotta ‘n muggio de zetto dòppo oe de riçerche a veuo. A dighe de scapâ l’ea stæto ‘na dònna grâia in fuga co-o seuxo, liatri ascì dæti persi in scê primme. Matesdì a burasca a l’à picou a Ponente. L’ægoa a l’à invazo a ciann-a d’Arbenga amagagnando i campi. Doe famigge sarvæ co-un gomon di pompê a Campogexa. Anche Zena a giaminn-a a stâ in pê: pe tutto o comun se registra frann-e, ligge, riânin sciortii da-i erzi e da-e covertue. Dexenn-e de famigge scorîe d’in caza, e ciu tante into Ponente da çitæ. Sarvi pe mouma ‘n òmmo de 38 anni co-a seu compagna, adesciæ da-o gatto tanto ch’a caza a scugiava zu da-a còsta do monte, de d’ato a Pra. O prescidente da Region, o Cloudio Burlando, torna coverto de polemiche pe-a catia gestion do teritöio, o l’à domandou a-o Governo 200 mioin da mandâ a-a spedia.L’ægoa a deruo a l’à cegou tutto o Paize, sorviatutto o Nòrd Italia: atri trei mòrti in Piemonte e Lombardia, frann-e, inondaçioin e danni ancon imposcibili da contâ.

Scandalo Amiu, dirigente o l’anava a dònne in cangio d’apalti
O l’incontrava de figeue in cangio di apalti a-i seu “amixi”. Con sta caxon zeuggia a l’arba l’é stæto arestou o Corado Grondonn-a, responsabile di Dafæ Generali a l’Amiu, pe-o momento sospeizo da l’incarego. Da-e investigaçioin da Procua de Zena, ch’an portou a sette ordinanse de custòdia in prexon, l’é vegnuo feua un scistema de coruçion ch’o l’aiva da fâ co-un muggio de travaggi afiæ con di mastrussi a ‘n gio d’aziende seleçionæ. Finn-a i loei inta descarega de Scarpin saivan stæti pagæ doe vòtte. In cangio de larghe concescioin, o Grondonn-a o goâgnava çenn-e caistrioze e seiann-e a luxe rosse. Tra-i incareghi dæti con sti regii ghe n’é de quelli ligæ a-e aluvioin di anni pasæ.

O l’aiva abandonou o barco afondou con 300 mòrti, condanou a 36 anni
A-i 14 d’arvî o seu barco o s’é abimou a-o largo da Corea do Sud, un dizastro into quæ 300 personn-e an perso a vitta. O capitanio Lee Jun-Seok, dòppo solo sette meixi de processo, o l’é stæto condanou a 36 anni de prexon. Coscì a Corte coriann-a a l’à scasou l’ipòtexi de l’asascinio, che l’ordinamento o permetieiva de sançionâ co-a penn-a de mòrte, ma a l’à incorpou l’òmmo d’avei abandonou a nave sensa agiutâ i squæxi 500 pasagê arestæ a bòrdo, i ciu tanti afondæ insemme co-o barco.

Canestreletti de Toriggia: “Comme se fan? No v’ou diggo”
A riçetta di canestreletti de Toriggia? A no se peu dî. O netto refuo o l’ariva da-a sciâ Maura Garbæn, sòccia de l’Antigo Forno into paize derê a Zena. I ingredienti se san: fænn-a, euve, sucou e tanto bitiro, ma de quantitæ goai a parlane. Tra-e tante variante e imitaçioin, a riçetta ciu viaxa a l’aresta un segretto alugou into cheu de chi-i coxinn-a de longo co-o mæximo amô de ‘na vòtta.

Come anticipato a seguire la traduzione di questa sintesi scritta in dialetto:

Liguria in balia del maltempo, alluvione su Tigullio e Val Fontanabuona
Pioggia, frane, fango, allagamenti e una coppia di anziani morta mentre fuggiva dalla propria abitazione. Non c’è pace per la Liguria, nuovamente sconvolta dal maltempo da Levante a Pontente. Il bilancio definitivo di tutti i danni è ancora provvisorio e intanto è scattata una nuova allerta meteo di livello 1 fino a mezzanotte di sabato. Nella serata di lunedì, con l’allerta 2 in vigore sulla maggior parte della regione, a vedere l’inferno sono stati il Tigullio e la Val Fontanabuona. A Chiavari sono esondati l’Entella, il Rupinaro e il Campodonico, con l’acqua che ha preso possesso delle strade, dei negozi e delle abitazioni. Carasco, Leivi e tutto l’entroterra devastati dalle frane. Proprio a Leivi una casa è stata travolta da un’onda di terra e pietre. Le due persone che vi abitavano, marito e moglie di 69 e 73 anni, sono state ritrovate senza vita sotto un cumulo di macerie dopo ore di ricerche invano. A metterli in fuga era stata una donna incinta che stava scappando col suocero, anch’essi dati inizialmente per dispersi. Martedì la tempesta si è abbattuta a Ponente. L’acqua ha invaso la piana d’Albenga danneggiando le coltivazioni. Due famiglie salvate con un gommone dei Vigili del Fuoco a Campochiesa. Anche Genova fatica a stare in piedi: in tutto il comune si registrano frane, smottamenti, rii fuoriusciti dagli argini e dalle coperture. Decine di famiglie sfollate, la maggior parte nel Ponente cittadini. Salvi per miracolo un uomo di 38 anni e la sua compagna, svegliati dal gatto mentre la casa scivolava giù dal pendio della collina, sulle alture di Pra’. Il presidente della Regione, Claudio Burlando, ancora sommerso dalle polemiche per la cattiva gestione del territorio, ha chiesto al Governo di inviare 200 milioni d’urgenza.
I nubifragi hanno piegato tutto il Paese, soprattutto il Nord Italia: altri tre morti in Piemonte e Lombardia, frane, inondazioni e danni ancora incalcolabili.

Scandalo Amiu, dirigente andava con escort in cambio di appalti
Incontrava giovani squillo in cambio di appalti ai suoi “amici”. Con quest’accusa venerdì all’alba è stato arrestato Corrado Grondona, responsabile degli Affari Generali all’Amiu, per ora sospeso dall’incarico. Dalle indagini della Procura di Genova, che hanno portato a sette ordinanze di custodia cautelare, è emerso un sistema di corruzione che riguardava una molteplicità di lavori affidati con procedimenti illeciti a una cerchia ristretta di aziende. Perfino i lavori nella discarica di Scarpino sarebbero stati pagati due volte. In cambio delle generose concessioni, Grondona otteneva cene di lusso e serate a luci rosse. Tra gli incarichi dati con questo meccanismo ne figurano alcuni legati alle alluvioni degli anni scorsi.

Abbandonò il traghetto affondato con 300 morti, condannato a 36 anni
Il 14 aprile scorso il suo traghetto s’inabissò al largo della Corea del Sud, un disastro in cui persero la vita 300 persone. Il comandante Lee Jun-Seok, dopo soli sette mesi di processo, è stato condannato a 36 anni di reclusione. Così la Corte coreana ha cancellato l’ipotesi di omicidio, che l’ordinamento permetterebbe di sanzionare con la pena di morte, ma ha incolpato l’uomo di aver abbandonato la nave senza soccorrere i quasi 500 passeggeri rimasti a bordo, per la maggior parte affondati insieme al traghetto.

Canestrelli di Torriglia: “Come si fanno? Non ve lo dico”
La ricetta dei canestrelli di Torriglia? Non si può dire. Il netto rifiuto arriva da Maura Garbarino, socia dell’Antico Forno nel paese alle spalle di Genova. Gli ingredienti si sanno: farina, uova, zucchero e tanto burro, ma di quantità guai a parlarne. Tra le tante varianti e imitazioni, la ricetta più autentica resta un segreto custodito nel cuore di chi li cucina sempre con lo stesso amore di una volta.