Liguria Ancheu con parlate di Santo Stefano e Genova antica

Puntuale come ogni venerdì sera torna Liguria Ancheu, la trasmissione legata ai dialetti regionali. Protagoniste della puntata di stasera, in diretta dalle 21, saranno le parlate di Santo Stefano d'Aveto e quelle della Genova antica in bianco e nero. A metà serata il tg settimanale in genovese a cura di Fabio Canessa. Possibilità di dialogare da casa con il professor Franco Bampi attraverso il numero verde 800640771. A seguire la sintesi delle notizie più importanti del tg con relativa traduzione.

IMPUTOU O SPARA A-O TRIBUNALE DE MILAN, TREI MÒRTI
Gran poia a-o tribunale de Milan donde ‘n òmmo, imputou pe bancarotta de gazibba, o l’à sparou co-unna pistòlla amasando træ personn-e e ferindone atre doe. L’asascin, o Claudio Giardiello, o l’é scapou in möto ma o l’é stæto agoantou da li a pöco a Vimercate. Mòrti o giudiçe Ciampi e i avocati Erba e Claris Appiani. O Giardiello o l’é introu armou into Palaçio de Giustiçia con mostrâ un teserin faso da-a pòrta reservâ a-o personale. O l’é anæto a çercâ lê mæximo e seu vitime inte stançie primma de l’udiensa in programma quello giorno. Pe quante l’é sâtòu feua da-e primme testimonianse, l’imputou o voeiva amasâ o sòccio D’Anzuoni, lê ascì sotta processo, che però o no se trovava in tribunale. ‘Na refæta, quella inmanegâ da-o Giardiello, pe de costioin ligæ a-a gestion de ‘n’azienda de construçioin, pöi falia. “Voeiva amasâ chi m’à aroinou”, e primme poule ch’o l’à prononçiou apenn-a aciapou da-a poliscîa.

SCHEUA DIAZ, A CORTE OUROPEA: “A L’É STÆTA TORTUA”
L’Italia condanâ da-a Corte Ouropea di Driti de l’Òmmo pe-i fæti da scheua Diaz de Bösanæo in ocaxon do G8 do 2001. “Quello ch’à fæto e fòrse de l’ordine – stabilisce a corte – o dev’ese qualificou comme tortua”. A sentensa a l’é arivâ apreuvo a-o ricorso prezentou da l’Arnaldo Cestaro, unn-a de vitime de violense, a-o quæ i giudiçi an dæto raxon. Nisciun l’é stæto punio perché e lezze italiann-e no preveddan a corpa de tortua: de chì a condanna da corte ouropea, ch’a l’à impòsto de dâ recatto a-a legislaçion pe prevegnî o resegondase de caxi pægi. A-o Cestaro o stato o doviâ versâ 45 mia eiro de danni morali. ‘Na lezze d’arangiamento a-a Convençion contra a tortua a gia pe-o Parlamento da doî anni, oua se spera che a sentensa da corte a dagghe ‘n cianto a-e longanie. “Unna sentensa da scompartî a reo, a çitæ a-a riçeive comme fæto de veitæ e giustiçia”, coscì comenta o scindico de Zena Marco Döia. O prescidente do Pd Orfini o spua feugo: “Unna vergheugna che o De Gennaro – alantô cappo da poliscîa – o segge o prescidente de Finmeccanica”. E into partio l’é za scciupou a polemica.

PIN DE TURISTI INTE FESTE DE PASQUA, MA I TRASPÒRTI CIÒCCAN
Zena e a Liguria pinn-e de turisti pe-e feste de Pasqua: un dæto da fâ scialâ, se no fise che a preuva di traspòrti a l’é stæta solo che ‘na vergheugna. Coe de 40 chilòmetri in scê outostradde de Rivee, treni ræi e gremenii de gente, retardi e dezaxi a ciu no poei. Tutti i operatoî do setô in sciô pê de goæra contra l’aministraçion. L’asesô regionale Berlangieri o se difende: “Pe comun l’asesô Vesco o domanda di treni in azonta, penso ch’o l’agge fæto anche stavòtta”. Da Trenitalia a repicca: “N’emmo riçevuo nisciunn-a domanda de servixi in ciu. Quande gh’é tròppe gente a montâ e chinâ, i treni s’aferman pe di quarti d’oa inte staçioin, te-o li o perché di retardi”. Intanto a Region a s’inandia a spende 2 mioin pe-o Gio d’Italia. E pe l’Expo, ‘n’atra poscibilitæ de resciöo pe-o turiximo ligure, o Berlangieri o l’amette: “Pe-o momento l’é previsto un treno straordinâio a-o giorno da e pe Milan de sabbo e domenega a partî da-o primmo de mazzo”.

ARVISEUA BARICÂ PE-O SCCEUPPO DA BOMBA DA GOÆRA
Ariviseua de d’ato blocâ pe ‘na giornâ intrega apreuvo a-o scceuppo controlou de ‘na bomba da segonda goæra mondiale. Un cian de seguessa imponente, con 10 mia personn-e mandæ feua d’in caza inte ‘n raggio de 2 chilòmetri e mezo, ponti de recovio organizæ da Proteçion Çivile e croxe rossa, corente destacâ, ferovia e stradde seræ. L’operaçion a l’é comensâ de bonn-a matin e a l’é finia a 2 oe de dòppodisnâ, quande a bomba, ch’a contegniva 2 quintæ e mezo de tritölo, a l’é stæta fæta scciupâ inte ‘na cava. Liguria tagiâ inta doî con di fastiddi pe-i traspòrti, quarche mogogno pe-e recheite in sciô turiximo ma o scindico o dixe: “Emmo çernuo apòsta un giorno d’euvei, s’ou favimo de festa l’ea ben pezo”.

A PARTOISCE CON L’AGIUTTO DO MAIO, “MIACO” A MOCÒNEXI
“Un miaco de Pasqua”. Coscì i meghi de l’uspiâ de Lavagna an definio a stöia da sciâ Daniela e de seu figgia Mia, partoia in caza con l’agiutto do maio. A dònna, ch’a sta a Mocònexi, a s’é adesciâ a 4 oe da matin de Pasqua pe anâ a l’uspiâ. Ariva e deugge ma no l’ambulansa, coscì l’é pròpio o maio, goidou da-o 118 a-o telefono, a asciste a pagioâ. Dòppo 40 menuti vegnan portæ a l’uspiâ, ma tutto l’é finio pe-o megio.

IMPUTATO SPARA AL TRIBUNALE DI MILANO, TRE MORTI
Terrore al tribunale di Milano dove un uomo, imputato per bancarotta fraudolenta, ha sparato con una pistola uccidendo tre persone e ferendone altre due. L’assassino, Claudio Giardiello, è scappato in moto ma è stato catturato poco dopo a Vimercate. Morti il giudice Ciampi e gli avvocati Erba e Claris Appiani. Giardiello s’è introdotto armato nel Palazzo di Giustizia mostrando un tesserino falso all’entrata riservata al personale. È andato a cercare lui stesso le sue vittime nelle stanze prima dell’udienza in programma quel giorno. Secondo quanto emerso dalle prime testimonianze, l’imputato voleva uccidere il socio D’Anzuoni, anche lui sotto processo, che però non si trovava in tribunale. Una vendetta, quella ordita da Giardiello, per questioni legate alla gestione di un’azienda edile, poi fallita. “Volevo ammazzare chi mi ha rovinato”, le prime parole che ha pronunciato appena arrestato dalla polizia.

SCUOLA DIAZ, LA CORTE EUROPEA: “È STATA TORTURA”
L’Italia condannata dalla Corte Europea dei Diritti dell’Uomo per i fatti della scuola Diaz di Bolzaneto in occasione del G8 del 2011. “Quello che hanno fatto le forze dell’ordine – stabilisce la corte – deve essere qualificato come tortura”. La sentenza è giunta in seguito al ricorso presentato da Arnaldo Cestaro, una delle vittime delle violenze, al quale i giudici hanno dato ragione. Nessuno è stato punito perché le leggi italiane non prevedono il reato di tortura: di qui la condanna della corte europea, che ha imposto di adeguare la legislazione per prevenire il ripetersi di casi simili. A Cestaro lo stato dovrà versare 45 mila euro di danni morali Una legge di adeguamento alla Convenzione contro la tortura gira in Parlamento da due anni, ora si spera che la sentenza della corte accorci i tempi. “Una sentenza da condividere totalmente, la città la accoglie come fatto di verità e giustizia”, così commenta il sindaco di Genova Marco Doria. Il presidente Pd Orfini sputa fuoco: “Vergognoso che De Gennaro – all’epoca capo della polizia – sia presidente di Finmeccanica”. E nel partito è già esplosa la polemica

BOOM DI TURISTI NELLE FESTE PASQUALI, MA È CAOS TRASPORTI
Genova e la Liguria piene di turisti per le festività pasquali: un dato di cui rallegrarsi, se non fosse che la prova dei trasporti è stata un disastro completo. Code di 40 chilometri sulle autostrade delle Riviere, treni poco frequenti e stipati, ritardi e disagi a non finire. Tutti gli operatori del settore sul piede di guerra contro l’amministrazione. L’assessore regionale Berlangieri si difende: “Di solito l’assessore Vesco richiede treni aggiuntivi, penso che l’abbia fatto anche stavolta”. Da Trenitalia la replica: “Non abbiamo ricevuto nessuna richiesta si servizi supplementari. Quando ci sono troppe persone a salire e scendere, i treni si fermano per quarti d’ora nelle stazioni, ecco il perché dei ritardi”. Intanto la Regione si prepara a spendere 2 milioni per il Giro d’Italia. E per l’Expo, un’altra possibilità di rilancio per il turismo ligure, Berlangieri ammette: “Al momento è previsto un treno straordinario al giorno da e per Milano nei weekend a partire dal 1° maggio.

ALBISOLA BARRICATA PER IL BRILLAMENTO DI UN RESIDUATO BELLICO
Albisola Superiore bloccata per una giornata intera per via dello scoppio controllato di una bomba della seconda guerra mondiale. Un piano di sicurezza imponente, con 10 mila persone evacuate nel raggio di 2 chilometri e mezzo, punti di accoglienza organizzati da Protezione Civile e Croce Rossa, interruzione della fornitura elettrica, ferrovia e strade chiuse. L’operazione è iniziata di prima mattina e si è conclusa alle 14, quando la bomba, che conteneva 250 kg di tritolo, è stata fatta esplodere in una cava. Liguria tagliata in due con disagi per i trasporti, qualche lamentela per le ricadute sul turismo ma il sindaco dice: “Abbiamo scelto apposta un giorno feriale, se lo avessimo fatto in un festivo sarebbe stato molto peggio”.

PARTORISCE CON L’AIUTO DEL MARITO, “MIRACOLO” A MOCONESI
“Un miracolo di Pasqua”. Così i medici dell’ospedale di Lavagna hanno definito la storia di Daniela e di sua figlia Mia, partorita in casa con l’aiuto del marito. La donna, residente a Moconesi, s’è svegliata alle 4 del mattino di Pasqua per andare all’ospedale. Arrivano le doglie ma non l’ambulanza, così è proprio il marito, guidato dal 118 al telefono, ad assistere la puerpera. Dopo 40 minuti vengono portati in ospedale, ma tutto è finito al meglio